İtaliya Futbol Federasiyası milli komandanın ardıcıl uğursuzluqlarına son qoymaq üçün radikal addım atmağı planlaşdırır.
"Operativ Məlumat Mərkəzi-OMM" "La Gazzetta dello Sport" nəşrinə istinadən xəbər verir ki, qurum planetin ən titullu məşqçilərindən birini yığmanın sükanı arxasına gətirmək niyyətindədir.
Söhbət hazırda "Manchester City" klubunu çalışdıran Xosep Qvardioladan gedir.
Məşhur kataloniyalı mütəxəssisin İngiltərə təmsilçisi ilə müqaviləsi bu yay başa çatır. İtaliyalı funksionerlər məhz onun komandanı yenidən zirvəyə qaldıracağına inanırlar.
Xatırladaq ki, İtaliya millisi son bir ildə iki baş məşqçi dəyişikliyi edib:
- Luçano Spalletti
- Cennaro Qattuzo
Bütün bu cəhdlərə baxmayaraq, komanda ardıcıl üçüncü dəfə Dünya Çempionatından kənarda qalıb.
