"Napoli" qapıçı Aleks Meret ilə müqaviləni 2027-ci ilin iyununa qədər uzadacaq.
"Operativ Məlumat Mərkəzi-OMM" xarici KİV-ə istinadən xəbər verir ki, futbolçu mövsümə 2,5 milyon avro qazanacaq.
Müqavilənin uzadılması ilə bağlı danışıqların bir ilə yaxın davam etdiyi qeyd edilir.
Xatırladaq ki, Meret 2018-ci ilin iyulunda "Udineze"dən "Napoli"yə keçib. Onun hazırkı müqaviləsi bu yay başa çatır.
"Transfermarkt" portalı qapıçını 12 milyon avro qiymətləndirir.
