İsveçrədə sərnişin qatarı relsdən çıxıb: Xəsarət alanlar var

İsveçrənin cənub-qərbində yerləşən Vale kantonunda sərnişin qatarı relsdən çıxıb.

“Operativ Məlumat Mərkəzi-OMM” yerli polisin "X" sosial şəbəkə hesabında yaydığı məlumata istinadən xəbər verir ki, hadisə Goppenstein stansiyası yaxınlığında qeydə alınıb.

İlkin məlumatlara əsasən, qəza nəticəsində xəsarət alanlar var.

Hadisə yerinə dərhal təcili yardım və xilasetmə qrupları cəlb olunub.

Bildirilir ki, qəzaya səbəb əraziyə qar uçqunun düşməsi ola bilər.

Hadisə baş verən zaman qatarda təxminən 80 sərnişinin olduğu ehtimal edilir. Hazırda xilasetmə işləri davam etdirilir və xəsarət alanların dəqiq sayı müəyyənləşdirilir.