İsveç Parlamentinin Müdafiə Komitəsi öz hesabatında ölkənin illik müdafiə xərclərini və əsgərlərin sayını artırmağı tövsiyə edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hesabatda əsgərlərin sayının 2032-ci ilə qədər təqribən 8 mindən 12 minə çatdırılması lazım olduğu bildirilib və pilotsuz uçuş aparatlarının (PUA) yaratdığı təhlükələrə qarşı hava müdafiəsinin gücləndirilməsi, daha çox qanadlı raketlərin alınması və sayının artırılması tövsiyə edilib.
 

Fransa Xarici İşlər Nazirliyi Rusiyanın Parisdəki səfiri Aleksey Meşkovu geri çağırıb.

"Operativ Məlumat Mərkəzi-OMM" xəbər verir ki, bu barədə "Reuters" agentliyi məlumat verib.

"Fransa bildirir ki, diplomatik kanallar növbəti dəfə informasiya ilə manipulyasiya etmək və qorxutmaq üçün sui-istifadə edilib", - Fransa Xarici İşlər Nazirliyi bildirib.

Nazirlik həmçinin bəyan edib ki, Moskva “məsuliyyəti dəyişməyə, təhdiddə Qərbi günahlandırmağa çalışır” və Rusiya Federasiyasını “hibrid hərəkətlər və kiberhücumlar vasitəsilə Avropa ölkələrində sabitliyi pozmaqda” ittiham edib.

Bundan əlavə, Fransa Xarici İşlər Nazirliyi əlavə edib ki, bu qərar Fransanın Moskvadakı səfiri Pyer Levinin Rusiya Xarici İşlər Nazirliyinə çağırılmasına reaksiyadır.

Çinin cənub-qərbindəki Yunnan əyalətində xəstəxanaya bıçaqlı hücum nəticəsində 10-dan çox adam həyatını itirib.

"Operativ Məlumat Mərkəzi-OMM" xəbər verir ki, bu barədə Çinin "Sinxua" agentliyi məlumat verib.

Yerli hakimiyyət orqanları hücumda 10-dan çox adamın öldüyünü, hücum edənin saxlanıldığını və hadisə ilə bağlı istintaqın davam etdiyini qeyd edib.

ABŞ-da Met Gala tədbirinin keçirildiyi Nyu-York Metropoliten İncəsənət Muzeyi yaxınlığında Fələstinə dəstək nümayişi zamanı polis bəzi etirazçıları saxlayıb.

"Operativ Məlumat Mərkəzi-OMM" xəbər verir ki, bu barədə Nyu-York Polis İdarəsindən verilən açıqlamada bildirilib.

Muzeyin ətrafındakı küçə və parklarda toplaşan yüzlərlə insan Fələstinə dəstəklərini bildiriblər. Ölkə mətbuatında yer alan xəbərlərə görə, Mərkəzi Parkda toplaşan kiçik bir qrup “Qəzzaya bombalar yağarkən Met Gala'ya yox” yazılı plakatlar qaldırıb.

Manhettendə bir küçədə toplaşan və əllərində Fələstin bayraqları olan daha böyük bir qrup Qəzza şüarları səsləndirərək İsraildən Qəzzaya hücumlarını dayandırmasını tələb ediblər. Polis tədbirlə etirazçılar arasında boşluq yaratmaq üçün muzeyin yaxınlığında barrikada qurub və bəzi etirazçıları saxlayıb.

Belarus Qərbin ölkə ilə dialoq quracağına ümid edir.

"Operativ Məlumat Mərkəzi-OMM" xəbər verir ki, bunu Belarus Xarici İşlər Nazirliyinin rəhbəri Sergey Aleynik deyib.

"Biz ürəkdən ümid edirik ki, hörmətli Qərb tərəfdaşlarımız gec-tez özlərinə qayıdacaqlar və gərginliyi azaltmaq və bütün mürəkkəbliklərin sülh yolu ilə həlli üçün dialoqa çağıran bu fikirləri dinləyəcəklər".

Amerikanın ilk F-16 qırıcıları iyulda Ukrayna ərazisində olacaq.

"Operativ Məlumat Mərkəzi-OMM" xəbər verir ki, bunu Teleqram kanalında Ali Radanın deputatı Aleksey Qonçarenko bildirib.

“Məlumat var ki, ilk ukraynalı pilotların buraxılışı mayın sonuna planlaşdırılıb. İlk F-16 təyyarəsi iyulda Ukraynada olacaq”,- deyə o yazıb.

Buna cavab olaraq Hollandiya Müdafiə Nazirliyinin rəhbəri Kaisa Ollonqren vurğulayıb ki, Hollandiya hakimiyyəti 2024-cü ilin payızında Ukraynaya dördüncü nəsil Amerika F-16 yüngül döyüş təyyarələrini göndərməyə başlamağı planlaşdırır.