Afət Ziyadqızı
Livanın cənubunda yerləşən Nəbatiyyə bölgəsində İsrailə məxsus pilotsuz uçuş aparatının (PUA) tibbi heyətlərə zərbə endirdiyi bildirilir.
“Operativ Məlumat Mərkəzi – OMM” xəbər verir ki, bu barədə “National News Agency” məlumat yayıb.
Məlumata görə, hücum zamanı “İslam Səhiyyə Təşkilatı”, “Bayt əl-Talaba” və “İslam Risalə Skautları”na məxsus təcili yardım avtomobilləri hədəfə alınıb.
Bildirilir ki, zərbə nəticəsində təcili yardım maşınlarına ziyan dəyib. Hücum zamanı xəsarət alanların olub-olmaması ilə bağlı məlumatlar isə dəqiqləşdirilir.
Qeyd olunur ki, insidentdən sonra Nəbatiyyə bölgəsində vəziyyət gərgin olaraq qalır.
