OMM Redaksiyası
İsrail hərbi hava qüvvələrinin Livanın paytaxtı Beyrut və onun ətrafındakı yaşayış məntəqələrinə təşkil etdiyi hava hücumları nəticəsində ciddi itkilər qeydə alınıb.
"Operativ Məlumat Mərkəzi-OMM" xəbər verir ki, Livan Səhiyyə Nazirliyinin yaydığı rəsmi məlumata görə, cümə axşamı səhər saatlarında həyata keçirilən bombardmanlar zamanı ən azı 11 nəfər həyatını itirib, 32 nəfər isə müxtəlif dərəcəli bədən xəsarətləri alıb.
Hücumlar əsasən paytaxt Beyrut və ətraf rayonları hədəf alıb. Yaralılar təcili olaraq yaxınlıqdakı xəstəxanalara təxliyə edilib. Bölgədə infrastrukturun ciddi zərər gördüyü bildirilir.
Hazırda ərazidə xilasetmə işləri davam edir və ölənlərin sayının artacağı istisna olunmur.
