İsrail ordusunun generatorları bombalaması nəticəsində Qəzza zolağının şimalındakı Beyt Lahiya qəsəbəsindəki İndoneziya xəstəxanasına yanğın böyük ziyan vurub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İsrailin hava hücumları nəticəsində xəstəxananın generatorları tamamilə yanıb.
Qəzza Səhiyyə Nazirliyinin baş direktoru Munir əl-Barş verdiyi açıqlamada, İsrailin generatorları bombalaması nəticəsində Qəzzanın şimalında yerləşən İndoneziya Xəstəxanasında elektrik enerjisinin kəsildiyini bildirib.
Berş dünən verdiyi açıqlamada tank və buldozerlərin mühasirəyə alması və atəşin açılması nəticəsində bəzi xəstələrin yaralandığını da qeyd edib.
