Livanın paytaxtı Beyrut şəhəri çərşənbə günü sübh saatlarında İsrail hərbi hava qüvvələrinin hücumuna məruz qalıb.
"Operativ Məlumat Mərkəzi-OMM" Livan Səhiyyə Nazirliyinə istinadən xəbər verir ki, həyata keçirilən iki hava zərbəsi nəticəsində ciddi itkilər qeydə alınıb.
Hücum nəticəsində azı 6 mülki şəxs həyatını itirib. Yaralanan 24 nəfər müxtəlif dərəcəli bədən xəsarətləri ilə xəstəxanalara yerləşdirilib. Zərbələr şəhərin yaşayış məntəqələrinə ciddi ziyan vurub.
Hazırda hadisə yerində xilasetmə işləri davam edir və xəsarət alanların vəziyyəti nəzarətdə saxlanılır. Regionda gərginlik artmaqda davam edir.
