İsraildə baş nazir Benyamin Netanyahunun iqamətgahı qarşısında etiraz aksiyası keçirilib.
"Operativ Məlumat Mərkəzi-OMM" xarici KİV-ə istinadən xəbər verir ki, aksiyada yüzlərlə şəxs iştirak edib.
Etirazçılar, Netanyahu hökumətini HƏMAS tərəfindən saxlanılan girovları azad etməyə çalışmamaqda ittiham ediblər. Onlar, ölkədə növbədənkənar seçkilərin keçirilməsini və Netanyahunun vəzifədən getməsini tələb ediblər.
Nümayişçilərin bir qismi etiraz əlaməti olaraq iqamətgah qarşısında tonqal qalamağa cəhd edib. Bundan sonra polislə etirazçılar arasında toqquşma yaşanıb. Polis nümayişlərdə iştirak edən 2 nəfərin həbs edildiyini açıqlayıb.
Bu erirazlar HƏMAS-ın saxladığı girovlardan biri olan amerika yəhudisi Herş Qoldberq-Polinin videosunu yayımlamasından qısa müddət sonraya təsadüf edib.