HƏMAS-ın Qəzza zolağında vəziyyətin həllinə dair saziş layihəsinə təklif etdiyi bütün dəyişikliklər İsrailin baş naziri Binyamin Netanyahu tərəfindən rədd edilib.
"Operativ Məlumat Mərkəzi-OMM" xəbər verir ki, bu barədə xarici KİV İsrail hökuməti başçısının ofisinin müşaviri Dmitri Gendelmana istinadən məlumat yayıb.
HƏMAS-ın razılaşma mətnində ümumilikdə 29 dəyişiklik təklif etdiyi və bunların hamısının rədd edildiyi açıqlanıb.
Gendelman İsrailin ABŞ prezidenti Co Baydenin dəstəklədiyi plandan “bir qarış belə” kənara çıxmadığını bəyan edib. İsrail tərəfi layihəyə əlavə şərtlər daxil etməyib və “HƏMAS-a planda hər hansı dəyişiklik etməyə imkan verməyəcək”.
