Fələstin ərazilərində hökumətin fəaliyyətlərini koordinasiya edən İsrail Müdafiə Nazirliyinin bölməsi ötən gün ərzaq, su və dərman daşıyan 240-a yaxın yük maşınının Rəfah və Kerem Şalom keçid məntəqələrindən Qəzzaya daxil olduğunu bildirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Yanvarın 18-də ümumilikdə 240 humanitar yardım maşını yoxlanılaraq Qəzzaya aparılıb", - COGAT "X" açıqlamasında bildirib.
Humanitar yardım daşıyan 101 yük maşını Rəfah sərhəd qapısından bölgəyə, 139 yük maşını isə Kerem Şalom vasitəsilə Qəzzaya keçib.
