Qəzza zolağında İsrail ordusunun hücumları nəticəsində ən azı 16 nəfər həlak olub.
"Operativ Məlumat Mərkəzi-OMM" xəbər verir ki, bu barədə Livanın "Al Mayadeen" telekanalı məlumat yayıb.
İsrail ordusunun Misir sərhədinə yaxın Rəfah şəhərindəki yaşayış binalarında və qaçqın düşərgələrində basqınlarından sonra ən azı 14 nəfər ölüb, bir çoxu yaralı var.
Telekanal həmçinin İsrail Hərbi Hava Qüvvələrinin Qəzza zolağının şimalındakı Cabaliyada humanitar yardım anbarına vurduğu zərbə nəticəsində iki nəfərin öldüyünü bildirir.
Bundan əlavə, şəhərin şərq rayonlarının intensiv artilleriya atəşinə tutulmasına dair məlumatlar var.
