Afət Ziyadqızı
İsrail ordusu 17 gündür intensiv hücum və mühasirədə saxladığı Qəzza zolağının şimalında yerləşən İndoneziya xəstəxanasını birbaşa hədəfə alaraq atəşə tutub.
"Operativ Məlumat Mərkəzi-OMM" xəbər verir ki, bu barədə Qəzzada Səhiyyə Nazirliyindən verilən açıqlamada bildirilib.
İsrail ordusunun birbaşa olaraq İndoneziya xəstəxanasını hədəfə aldığı və xəstəxana binasının içini yandırdığı qeyd edilib.
Açıqlamada İsrail ordusunun xəstəxanaya hücumu pislənilib.
Birləşmiş Millətlər Təşkilatına bağlı beynəlxalq qurum və təşkilatlara ünvanlanan bəyanatda “xəstəxanaları və tibb işçilərini qoruyun” çağırışı təkrarlanıb.
