İsrailin əmək məhkəməsi həmkarlar ittifaqını boykotu dayandırmağa çağırıb.
"Operativ Məlumat Mərkəzi-OMM" xarici KİV-ə istinadən xəbər verir ki, İsrailin paytaxtı Təl-Əvivdə ölkənin ən böyük həmkarlar ittifaqı “Histadrut” boykot elan edib.
Aksiya iqtisadiyyatın əsas sektorları, maliyyə, səhiyyə və ölkənin əsas hava limanının fəaliyyətinə təsir edir.
Aksiya ilə əlaqədar məktəblər də fəaliyyətini dayandırıb. Fəallar bir neçə yolda hərəkəti bloklayıblar.
Boykot aksiyasına qoşulan yüzlərlə şəxs hökumətin HƏMAS-ın əlində olan israilli girovları qaytarmaq üçün hələ də effektiv addım ata bilməməkdə günahlandırırlar.
İsrail hərbi qüvvələri ötən həftəsonu girovlardan daha 6 nəfərin meytini aşkarlayıb.
Ümumilikdə, 97 girovdan xəbər almaq mümkün deyil.
