Misir paytaxtı Qahirədə İsrail ilə HƏMAS arasında müvəqqəti atəşkəsə dair növbəti danışıqlar gözlənilir.
"Operativ Məlumat Mərkəzi-OMM" xarici KİV-ə istinadən xəbər verir ki, vasitəçilər və HƏMAS nümayəndələri danışıqlar məkanına gəlsələr də, İsrail hələlik bundan imtina edib.
Rəsmi Təl-Əviv masaya oturmazdan əvvəl HƏMAS-dan girovların talehi ilə bağlı zəmanət tələb edir.
HƏMAS girovlardan kimlərin sağ qaldığına dair qarşı tərəfə məlumat verməyib.
ABŞ hökuməti rəsmiləri İsrailin, demək olar ki, atəşkəsə razılıq verdiyini bildiriblər.
Razılaşmaya əsasən, HƏMAS-ın daha çox girovu, İsrailin isə fələstinli məhbusları sərbəst buraxacağı qeyd olunur.
İsrail-HƏMAS arasında müharibənin dayandırılması üçün təzyiqlər Qəzzada humanitar yardım almağa çalışan 112 nəfərin izdihamda ölməsindən sonra artırıb.
