İspaniya Tələbələr Birliyinin çağırışı ilə İsrailin Qəzzaya hücumlarının başlamasından bu yana ikinci dəfə Fələstinə dəstək nümayişləri keçirilib.
"Operativ Məlumat Mərkəzi-OMM" xəbər verir ki, bu barədə İspaniya mediası məlumat yayıb.
Belə ki, ölkə daxilində dərsləri yarımçıq qoyan universitet və lisey tələbələri oktyabrın 27-də olduğu kimi böyük şəhərlərin mərkəzlərində Fələstinə dəstək nümayiş etdiriblər.
Tələbələr Madrid, Barselona, Valensiya, Sevilla, Saraqosa, Santander, Burqos, Santyaqo, Girona və Bilbao da daxil olmaqla 38 şəhərdə “Fələstin xalqına qarşı sionist soyqırımını dayandırın” başlığı ilə meydanlara çıxıblar.
