İspaniya polisi Senegaldan Kanar adalarına gedən bir miqrant qayığında 50-dən çox insanın itkin düşməsindən sonra 19 nəfəri qətl və işgəncə şübhəsi ilə saxlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Səfər zamanı mühərrik nasazlığı, pis hava şəraiti və ərzaq çatışmazlığı kimi problemlər yaşandıqdan sonra onlar hədəfə alınıblar.
Xilasedilən şəxslərin ifadələrinə əsasən, hücum edənlər onlarla şiddət göstərib, bəzilərini dənizə atıb və təsadüfən suya düşənləri xilas etməkdən imtina ediblər.
Həmçinin etiraz edən və ya səfər şəraitini tənqid edən insanların da öldürüldüyü bildirilib.
