İraqın Duhok şəhərində 4,7 bal gücündə zəlzələ baş verib.
"Operativ Məlumat Mərkəzi-OMM" xarici mediaya istinadən xəbər verir ki, Fövqəladə Halların Rəhbərliyi (AFAD) Zəlzələ İdarəsinin "Twitter" hesabından Duhokdakı zəlzələ ilə bağlı açıqlama verilib.
Açıqlamada, saat 09:41-də Duhok şəhərinin Amedi rayonunda baş verən zəlzələnin 12,12 kilometr dərinlikdə olduğu bildirilib.
Zəlzələnin maddi və ya can itkisinə səbəb olub-olmadığı ilə bağlı heç bir açıqlama verilməyib.
