İranın dövlət televiziyası IRIB, dünən gecə Tehranda və bir neçə başqa şəhərdə baş verən etirazları "terrorçu" adlandırıb.
“Operativ Məlumat Mərkəzi-OMM” xəbər verir ki, bu barədə media orqanının teleqram səhifəsində dərc olunmuş bəyanatda bildirilir.
Dövlət televiziyasının verdiyi açıqlamada deyilir: "Monarxiyanın terrorçu tərəfdarları dünən gecə Tehranın müxtəlif yerlərində dağınıq mitinqlər üçün toplaşıblar".
IRIB-in məlumatına görə, Tehranda etirazçılar avtomobilləri, yanğınsöndürən maşınları və avtobusları yandırıblar, həmçinin metroda yanğın törədiblər. İranın digər şəhərlərində ABŞ və sionist rejimin dəstəklədiyi terrorçu elementlər dövlət və özəl mülklərə ziyan vurublar.
