Əli Məmmədli
“Biz İranda haqsız yerə həbsdə olan dörd Amerika vətəndaşının azad edilməsi üçün çox çalışmışıq".
"Operativ Məlumat Mərkəzi-OMM" xarici KİV-ə istinadən xəbər verir ki, bunu ABŞ prezidentinin milli təhlükəsizlik müşaviri Ceyk Sallivan jurnalistlətə açıqlamasında bildirib.
"Onların azad olunması ilə bağlı razılığa gəlmək üçün İranla dolayı əlaqəmiz olub. Təəssüflər olsun ki, hələ də anlaşma əldə edə bilməmişik. Biz bunun üzərində işləməyə davam edirik”, - deyə açıqlamada qeyd olunub.
O, İranla nüvə proqramı ilə bağlı heç bir razılaşmaya yaxın olmadıqlarını bildirib:
“İranın nüvə proqramı ilə bağlı biz heç bir razılaşmaya yaxın deyilik”, - əlavə edib
