Afət Ziyadqızı
İran Silahlı Qüvvələrinin sözçüsü Əkrəminiya ABŞ-yə qarşı kəskin xəbərdarlıq bəyanatı ilə çıxış edib.
“Operativ Məlumat Mərkəzi-OMM” "Defa Press" agentliyinə istinadən xəbər verir ki, Əkrəminiya ABŞ-nin regionda, eləcə də Cənub-Qərbi Asiyadan kənarda yerləşən bazalarını və hərbi qüvvələrini xatırladıb.
O bildirib ki, İrana qarşı hər hansı hücum olacağı təqdirdə ölkə Silahlı Qüvvələri coğrafi sərhəd tanımadan ABŞ-yə məxsus bütün maddi və mənəvi hədəflərə zərbələr endirəcək. Sözçü, həmçinin Hörmüz boğazının yalnız İranın təklif etdiyi şərtlər qəbul olunduqdan sonra açıla biləcəyini vurğulayıb.
