İranın Şİraz şəhərindəki Şahçerağ ziyarətgahında törədilən cinayətə görə 20 şübhəli həbs edilib.
"Operativ Məlumat Mərkəzi-OMM" yerli mediaya istinadla xəbər verir ki, bunu Fars vilayətinin baş hakimi Kazım Musəvi bildirib.
Onun sözlərinə görə, terror hadisəsində təqsirli sayılan əsas şübhəliyə dair ittiham aktı gələn həftə açıqlanacaq.
"Terrorçusu təxminən 25 yaşındadır və milliyyətcə tacikdir. Baş verən hadisəyə görə peşman deyil. Əslində, bu adamın beynini o qədər yuyublar ki, heç bir dəstəyi olmadığını nəzərə alsaq, yenə deyir ki, peşman deyiləm", - deyə başhakim əlavə edib.
