İranda "Starlink" terminallarından istifadə etdiklərinə görə bir neçə nəfər saxlanılıb.
"Operativ Məlumat Mərkəzi-OMM"xəbər verir ki, bu barədə Qum Vilayət Kiber Polis İdarəsi məlumat yayıb.
Məlumata görə, ölkədə Starlink cihazları “təhlükəli məhsul” kimi təsnif edilir və onların istifadəsi qanunla qadağan olunub.
Bildirilib ki, bu cihazlardan istifadə edən 10 nəfər saxlanılıb və onlar barəsində qanuna uyğun olaraq ciddi tədbirlər görüləcək.
Qeyd edilib ki, hüquq-mühafizə orqanları ölkə ərazisində belə cihazların istifadəsinə qarşı nəzarət və tədbirləri davam etdirir.
