İranın İslam İnqilabı Keşikçiləri Korpusu (SEPAH) ABŞ Hərbi Dəniz Qüvvələrinə məxsus, göyərtəsində "Tomahawk" qanadlı raketləri olan köməkçi gəminin vurulduğunu iddia edir.
"Operativ Məlumat Mərkəzi-OMM" xəbər verir ki, bu barədə məlumatı "Mehr" agentliyi yayıb.
Rəsmi bəyanatda qeyd olunur ki, "Maritime Strike Tomahawk" raketləri ilə təchiz edilmiş döyüş dəstək gəmisinə SEPAH-ın raket zərbələri nəticəsində ciddi ziyan dəyib. Həmçinin bildirilib ki, ABŞ-nin bölgədəki digər dəniz resursları da İranın raket və pilotsuz uçuş aparatlarının (PUA) hədəfində olacaq.
