Afət Ziyadqızı
İranın hərbi strukturu olan İslam İnqilabı Keşikçiləri Korpusu (SEPAH) Küveytdə yerləşən ABŞ hərbi bazasına zərbə endirdiyini açıqlayıb.
“Operativ Məlumat Mərkəzi-OMM” xəbər verir ki, bu barədə “Press TV”nin “Telegram” kanalında məlumat yayılıb.
Bildirilib ki, SEPAH-ın yaydığı bəyanata əsasən, "Əli-əl-Salem" aviabazasına endirilən zərbələr nəticəsində ABŞ ordusuna məxsus "Patriot" hava hücumundan müdafiə sistemi, böyük hərbi anbar və "MQ-9" tipli pilotsuz uçuş aparatlarının saxlanıldığı anqar məhv edilib. Bundan başqa, "Əl-Adiri" düşərgəsində yerləşən ABŞ hərbçilərinin dislokasiya məntəqələri və iki helikopter anqarının da hədəfə alındığı iddia olunub.
Məlumata görə, rəsmi Tehran hücumla bağlı Küveytin suverenliyinin pozulması ilə bağlı ittihamları rədd edib. İran tərəfi Küveyt ərazisində yerləşən ABŞ hərbi bazalarının faktiki olaraq Vaşinqtonun nəzarəti altında olduğunu və bu obyektlərə girişin ABŞ-ın icazəsi ilə mümkün olduğunu bildirib. ABŞ və Küveyt rəsmiləri isə hələlik bu iddialarla bağlı rəsmi açıqlama verməyiblər.
