Afət Ziyadqızı
SEPAH İordaniyadakı ABŞ hərbi bazasına endirilən zərbələr nəticəsində iki hərbi təyyarənin məhv edildiyini iddia edib.
“Operativ Məlumat Mərkəzi-OMM” xəbər verir ki, bu barədə İranın rəsmi xəbər agentliyi IRNA məlumat yayıb.
Məlumata görə, İordaniyada yerləşən ABŞ hərbi bazasına endirilən zərbələr nəticəsində ABŞ-a məxsus azı iki hərbi təyyarə tamamilə sıradan çıxarılıb. Bundan əlavə, bazadakı digər bir neçə uçuş aparatının da ciddi ziyan gördüyü bildirilir.
Qeyd olunub ki, rəsmi Tehran əməliyyatı cavab tədbiri kimi qiymətləndirir. Hadisə ilə bağlı ABŞ tərəfindən hələlik rəsmi açıqlama verilməyib.
