OMM Redaksiyası
Beynəlxalq Atom Enerjisi Agentliyi (MAQATE) Yaxın Şərqdə cərəyan edən son hadisələrlə əlaqədar bəyanat yayıb.
"Operativ Məlumat Mərkəzi-OMM" xəbər verir ki, qurumun "X" sosial şəbəkə platformasındakı rəsmi səhifəsində paylaşılan məlumatda regiondakı proseslərin diqqətlə izlənildiyi vurğulanıb.
Agentlik tərəfləri təmkinli davranmağa çağıraraq, əhalinin nüvə təhlükəsizliyi üçün yarana biləcək hər hansı riskin qarşısının alınmasının vacibliyini qeyd edib.
Bəyanatda bildirilir ki, MAQATE regiondakı inkişafı yaxından təqib edir. Nüvə təhlükəsizliyini təmin etmək üçün maksimum təmkin nümayiş etdirilməlidir. Hazırda region ölkələri ilə daimi əlaqə saxlanılır.
Təşkilatın məlumatına görə, hələlik ərazidə hər hansı radioloji təsirin olduğuna dair sübut yoxdur.
