İran hələlik ABŞ və İsrail ilə davam edən münaqişədə özünün "yeni nəsil raketlər"indən istifadə etməyib.
“Operativ Məlumat Mərkəzi-OMM”-in "Sky News"a istinadən verdiyi xəbərə görə, bu barədə İran İslam İnqilabı Keşikçiləri Korpusunun (SEPAH) nümayəndəsi rəsmi bəyanat verib.
Məlumata əsasən, Tehran indiyədək yalnız 2012, 2013 və 2014-cü illərdə istehsal edilmiş silahlardan yararlanıb. Bununla yanaşı, raketlərin istehsalı və yığılması prosesi fasiləsiz rejimdə davam edir.
Nümayəndə xüsusi olaraq vurğulayıb ki, yaxın günlərdə daha müasir və nadir hallarda istifadə olunan uzaqmənzilli raketlərin tətbiqi planlaşdırılır.
