İran və Suriya arasında “Ətraflı, Uzunmüddətli və Strateji Əməkdaşlıq Proqramı” çərçivəsində neft, enerji, ticarət, mənzil-tikinti, hava və dəmir yolu nəqliyyatı kimi sahələrdə 14 anlaşma memorandumu imzalanıb.
"Operativ Məlumat Mərkəzi-OMM" İran mediasına istinadən xəbər verir ki, müqavilələrin imzalanmasından sonra təşkil edilən birgə mətbuat konfransında danışan Bəşər Əsəd, İran prezidentin səfərinin qlobal və regional inkişaflar fonunda mühüm əhəmiyyət kəsb etdiyini vurğulayıb.