İranın xarici işlər nazirinin müavini Kazem Qaribabadi Tehranda Rusiyanın səfiri Aleksey Dedov və Çinin səfiri Tsonq Peyvu ilə məsləhətləşmə görüşü keçirib.
"Operativ Məlumat Mərkəzi-OMM" “Mehr” agentliyinə istinadən xəbər verir ki, görüş zamanı tərəflər beynəlxalq gündəmdəki mühüm məsələləri nəzərdən keçiriblər.
Qaribabadi özünün "X" sosial şəbəkə hesabında paylaşım edərək bildirib ki, birgə görüşdə Cenevrədə keçirilən nüvə danışıqları ilə bağlı son vəziyyət və bəzi ikitərəfli məsələlər ətrafında geniş fikir mübadiləsi aparılıb.
Nazir müavini həmçinin vurğulayıb ki, hər üç ölkə strateji münasibətlər çərçivəsində mühüm mövzular üzrə sıx məsləhətləşmələri və koordinasiyanı davam etdirmək niyyətindədir.
