İran ordusundan sərt bəyanat: "Geri çəkilməyəcəyik"

İran ordusunun baş komandanı mübarizənin davam edəcəyini bildirib.

“Operativ Məlumat Mərkəzi-OMM”xəbər verir ki, bu barədə “Tasnim” agentliyi İran ordusunun baş komandanı general-leytenant Əmir Hatəminin açıqlamasını yayıb.

Bildirilib ki, Hatəmi çıxışında İranın xarici təzyiqlər və hücumlar qarşısında geri çəkilməyəcəyini vurğulayıb.

“İndi ölkəmiz və əziz xalqımız ən cinayətkar düşmənlərin hücumuna məruz qaldıqda, onlar son damla qanlarına qədər çiyin-çiyinə vuruşacaq və qəti qələbə qazanacaqlar”, – deyə o bildirib.

Qeyd olunub ki, ABŞ və İsrailin İrana qarşı əməliyyatları və regionda davam edən gərginlik fonunda Tehran rəsmiləri sərt bəyanatlarla çıxış etməyə davam edir.

Məlumata görə, tərəflər arasında aparılan danışıqlarda ciddi fikir ayrılıqları qalmaqdadır və uzunmüddətli razılaşma əldə olunmayıb. İran isə birtərəfli atəşkəs uzadılmasını qəbul etmədiyini açıqlayıb.