İranın Atom Enerjisi Təşkilatının rəhbəri Məhəmməd İslami bildirib ki, İranın nüvə sənayesi bombardman etməklə məhv edilə bilməz.
"Operativ Məlumat Mərkəzi-OMM" xəbər verir ki, bu barədə İran dövlət televiziyası məlumat yayıb.
"Nüvə sənayesi bombardmanla məhv edilə bilən bir şey deyil. Bu, yerli və milli sənayedir. Onun tərəqqisi davamlı və fasiləsiz davam edəcək",- deyə İslami qeyd edib.
İran parlamentinin bu yaxınlarda qəbul etdiyi “Atom Enerjisi üzrə Beynəlxalq Agentlik (BAEA) ilə əməkdaşlığı dayandıran” qanun prezident Məsud Pezeşkianın imzası ilə bu gün qüvvəyə minib.
