İranın Xuzistan əyalətinin Qızıl Aypara Cəmiyyəti İraqa 15 xilasedici qrup göndərib.
“Operativ Məlumat Mərkəzi-OMM” xəbər verir ki, bu addım İslam İnqilabının lideri Ayətullah Seyid Əli Xameneinin dəfn mərasimi ilə əlaqədar təhlükəsizlik və tibbi təminatın gücləndirilməsi məqsədi daşıyır.
Məlumata görə, göndərilən xilasedici qruplar mərasim zamanı yarana biləcək fövqəladə hallara operativ müdaxilə etmək üçün hazırlıq vəziyyətinə gətirilib.
Qeyd olunur ki, xilasedicilər kütləvi toplaşma məntəqələrində tibbi yardım göstərilməsi və zəruri dəstəyin təmin olunması üçün İraqın aidiyyəti qurumları ilə koordinasiyalı şəkildə fəaliyyət göstərəcəklər.
