Afət Ziyadqızı
Xarici hərbi və geosiyasi gərginliklərin regionda yaratdığı çətinliklərə baxmayaraq, son altı ay ərzində İran və Azərbaycan arasında ticarət dövriyyəsində artım qeydə alınıb. Bu barədə İranın yollar və şəhərsalma naziri Fərzanə Sadiq bəyanat verib.
“Operativ Məlumat Mərkəzi-OMM” xəbər verir ki, bu barədə xarici KİV məlumat yayıb.
İranlı nazir bildirib ki, iki ölkə arasında iqtisadi və nəqliyyat əlaqələrinin inkişafı fonunda ticarət həcminin yüksələn xətt üzrə davam etməsi üçün mövcud infrastruktur imkanları daha da genişləndirilməlidir. Sadiq, həmçinin sərhəd-keçid və tranzit marşrutlarında qarşıya çıxan maneələrin tezliklə aradan qaldırılmasının zəruriliyini vurğulayıb.
Müzakirələr çərçivəsində Şimal-Cənub Beynəlxalq Nəqliyyat Dəhlizi daxilində Astara yük terminalının fəaliyyətinin gücləndirilməsi və birgə infrastruktur layihələrinin sürətləndirilməsi məsələləri də diqqət mərkəzində olub.
