Afət Ziyadqızı
İran İslam Respublikası Kollektiv Təhlükəsizlik Müqaviləsi Təşkilatının (KTMT) iclasında ABŞ və İsrail tərəfindən həyata keçirilən son hərbi əməliyyatlarla bağlı mövqeyini açıqlayıb.
“Operativ Məlumat Mərkəzi-OMM” xəbər verir ki, bu barədə İran nümayəndə heyətinin iclas zamanı səsləndirdiyi fikirlərdə qeyd olunub.
Bildirilib ki, Tehran tərəfi ABŞ və “İsrail”in son hərbi təcavüzləri zamanı qarşılarına qoyduqları heç bir strateji hədəfə nail ola bilmədiklərini vurğulayıb.
Məlumata görə, iclasda yalnız hərbi məsələlər deyil, həm də regional təhlükəsizlik və sabitlik məsələləri müzakirə olunub.
Qeyd edilib ki, İran nümayəndələri xüsusilə narkotik vasitələrin qanunsuz dövriyyəsinə qarşı mübarizə istiqamətində görülən tədbirləri diqqətə çatdırıblar. Tehran bu sahədə səylərini davam etdirərək regional təhlükəsizliyin təmin olunmasında fəal rol oynadığını bildirib.
