İran Avropa ölkələrini ABŞ və İsraillə bağlı hərbi ittihamlarla günahlandırdı

İran Xarici İşlər Nazirliyi Avropa dövlətlərinin beynəlxalq arenadakı mövqeyini tənqid edib.

"Operativ Məlumat Mərkəzi-OMM" xəbər verir ki, İran XİN-in rəsmi nümayəndəsi İsmail Bəqayi Avropa ölkələrinin ABŞ və İsrail tərəfindən İrana qarşı həyata keçirilən hərbi əməliyyatlarda iştirak etdiyini iddia edib.

Məlumata görə, Bəqayi Avropa paytaxtlarının bu proseslərdəki roluna görə məsuliyyət daşımalı olduğunu bildirib.

Bildirilib ki, İran tərəfi Avropa dövlətlərinin baş verən hadisələrə görə beynəlxalq hüquq qarşısında cavab verməli olduğunu düşünür.

Qeyd olunub ki, Tehran Qərb ölkələrinin mövqeyinin regionda gərginliyi artırdığını və sülh prosesinə mane olduğunu hesab edir.