İran ABŞ-ni "müharibə cinayətləri"ndə ittiham etdi

İran Xarici İşlər Nazirliyinin rəsmi nümayəndəsi İsmayıl Bəqai ABŞ-nin İrana qarşı törətdiyi iddia olunan “müharibə cinayətləri” ilə bağlı kəskin bəyanatla çıxış edib.

“Operativ Məlumat Mərkəzi-OMM” xəbər verir ki, İsmayıl Bəqai sosial şəbəkə hesabında paylaşdığı açıqlamada ABŞ-nin son addımlarının regionda gərginliyi daha da artırdığını bildirib.

Onun sözlərinə görə, baş verən hadisələr İran xalqının ədalətin bərqərar olunması və məsul şəxslərin cavab verməsi istiqamətində qətiyyətini daha da möhkəmləndirib. Bəqai vurğulayıb ki, Tehran beynəlxalq hüquq çərçivəsində məsələ ilə bağlı bütün diplomatik və hüquqi imkanlardan istifadə edəcək.

İran rəsmisi beynəlxalq ictimaiyyəti və aidiyyəti qurumları ABŞ-nin hərəkətlərinə qarşı daha qətiyyətli mövqe nümayiş etdirməyə çağırıb. O bildirib ki, bu cür addımlar təkcə İranın deyil, bütövlükdə Yaxın Şərq regionunun təhlükəsizliyi üçün ciddi təhdid yaradır.