Afət Ziyadqızı
İran Hörmüz boğazı ilə bağlı ABŞ-yə sərt xəbərdarlıq edib.
“Operativ Məlumat Mərkəzi-OMM” xəbər verir ki, İranın əsas hərbi komandanlıq strukturlarından biri olan “Xatəm əl-Ənbiya” Mərkəzi Qərargahı ABŞ-yə müraciət edərək Hörmüz boğazında hər hansı müdaxilənin “qətiyyətli və sürətli cavabla” qarşılanacağını bildirib.
Məlumata görə, Tehran regionda artan hərbi fəallıq fonunda boğazdakı təhlükəsizliyi strateji maraqlarının bir hissəsi kimi qiymətləndirir və xarici hərbi mövcudluğu, xüsusilə ABŞ-nin hərəkətlərini təhdid kimi görür.
Bildirilib ki, İran tərəfi bu cür addımların beynəlxalq sularda gərginliyi daha da artıra biləcəyi barədə xəbərdarlıq edib.
