"Real"ın yarımmüdafiəçisi Federiko Valverde karyerasını İngiltərə Premyer Liqasında davam etdirə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, uruqvaylı yarımmüdafiəçi ilə "Mançester Siti" və "Liverpul" maraqlanır.
Qeyd olunub ki, "Real" futbolçu ilə yollarını ayırmaq istəmir və müqavilədə kosmik məbləğdə təzminat nəzərdə tutulur.
26 yaşlı Valverde bu mövsüm "Los Blancos"da 17 oyun keçirib, 3 qol vurub və 2 məhsuldar ötürmə edib.
Federikonun Madrid klubu ilə hazırkı müqaviləsi 30 iyun 2029-cu ilə qədərdir və onun transfer dəyəri 130 milyon avro olaraq qiymətləndirilir.
