İndoneziyada güclü vulkan püskürməsi və daşqınlar nəticəsində azı 34 nəfər həlak olub.
"Operativ Məlumat Mərkəzi-OMM" xəbər verir ki, bu barədə yerli mətbuat məlumat yayıb.
Məlumata görə, təbii fəlakət İndoneziyanın Sumatra adasında baş verib.
Vulkanın yamaclarından aşağı axan leysan yağışları və soyuq lava və palçıq selləri daşqınlara səbəb olub, ölənlərlə yanaşı, daha 16 nəfərin itkin düşdüyü bildirilir.
Ölkənin 4 müxtəlif rayonu - Agam, Padanq Pancanq, Tanah Datar və Padanqda ümumilikdə 100-dən çox yaşayış binası və 16 körpüyə ziyan dəyib.
Yolların təmizlənməsini sürətləndirmək üçün ərazilərə ağır texnika cəlb olunub. 60 nəfərin müvəqqəti hökumət sığınacaqlarına yerləşdirildiyi bildirilib.
