OMM Redaksiyası
İndoneziyanın Yava adasında yerləşən Merapi vulkanı yenidən püskürüb.
"Operativ Məlumat Mərkəzi-OMM" xəbər verir ki, bu barədə Geoloji Fəlakət Texnologiyaları Araşdırma və İnkişaf Mərkəzinin prezidenti Agus Budi Santoso məlumat verib.
Merapi vulkanının püskürməsi nəticəsində yayılan isti kül buludlarının və lavanın dağın yamacından təxminən 2 kilometr aşağı endiyini bildirib. Santoso həmçinin əlavə edib ki, isti kül buludları 100 metrə qədər yüksəlib.
Xatırladaq ki, 2 min 968 metr yüksəklikdə və Yogyakarta şəhərindən 30 kilometr uzaqlıqda olan Merapi ətrafında 250 min insan yaşayır.
