İmişlidə keçirilən əməliyyat nəticəsində 15 kiloqram narkotik vasitə aşkarlanıb.
Bu barədə "Operativ Məlumat Mərkəzi-OMM"-ə Daxili İşlər Nazirliyindən məlumat verilib.
Narkotiklərin qanunsuz dövriyyəsini təşkil etməkdə şübhəli bilinən Elvin Mustafayev və tanışı N.İsaxanova saxlanılıblar.
Baxış zamanı onlardan ümumilikdə 15 kiloqram çəkidə tiryək və marixuana götürülüb.
Saxlanılan şəxslər etiraf ediblər ki, sosial şəbəkələrdə tanış olduqları və şəxsiyyəti istintaqla araşdırılan İran vətəndaşı tərəfindən narkokuryerliyə cəlb olunublar.
Faktla bağlı cinayət işi başlanıb, hər iki şəxs barəsində həbs qətimkan tədbiri seçilib.
