Azərbaycan ilə Rusiya arasında münasibətlərin inkişaf dinamikası çox müsbətdir, energetika və nəqliyyatda əməkdaşlıq gedir.
"Operativ Məlumat Mərkəzi-OMM" xəbər verir ki, bunu Azərbaycan Prezidenti İlham Əliyev Rusiya lideri Vladimir Putinlə görüşü zamanı deyib.
İlham Əliyev Putinlə ikitərəfli və regional gündəmi müzakirə etdiyini bildirib.
"Azərbaycan və Rusiya ikitərəfli qarşılıqlı fəaliyyət səviyyəsindən razıdırlar. Bu gün dövlət səfəri çərçivəsində ünsiyyətimizi davam etdiririk. Əslində biz dünəndən başlamışıq, həm ikitərəfli gündəm, həm də regional təhlükəsizlik məsələlərinə dair ətraflı fikir mübadiləsi aparmışıq. Bu gün həm məhdud formatda, həm də geniş formatda davam edəcəyik".
