OMM Redaksiyası
İran İslam İnqilabı Keşikçiləri Korpusu (SEPAH) Hörmüz boğazından qanunsuz keçməyə cəhd edən Toqo bayraqlı tankerin hədəfə alındığını açıqlayıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, hücumdan sonra gəmidə yanğın baş verib və tanker dayandırılıb.
Qeyd olunub ki, gəmi ABŞ hərbçilərinin təhriki nəticəsində İranın icazəsi olmadan boğazdan keçməyə cəhd göstərib.
İnqilab Keşikçilərinin nümayəndələri strateji cəhətdən mühüm boğazı tam nəzarətdə saxladıqlarını və heç bir təcavüzkarın buradan keçməsinə imkan verməyəcəklərini bəyan ediblər.
"Hörmüz boğazından qanunsuz keçid qaydanı pozan gəminin məhv edilməsindən başqa heç nəyə gətirib çıxarmayacaq" - bəyanatda vurğulanır.
