İran Hörmüz boğazını bağladı: Gəmilərin hərəkəti tamamilə dayandırılıb

İranın İslam İnqilabı Keşikçiləri Korpusu (SEPAH) Hörmüz boğazı vasitəsilə gəmilərin hərəkətinin dayandırılması barədə göstəriş verib.

"Operativ Məlumat Mərkəzi-OMM" xəbər verir ki, bu barədə məlumatı "Reuters" agentliyi yayıb.

Məlumata əsasən, boğaz ətrafında olan gəmilər SEPAH tərəfindən xüsusi radio tezlikləri vasitəsilə xəbərdarlıq mesajları alırlar.

Mesajlarda bildirilir ki, heç bir gəminin Hörmüz boğazından keçməsinə icazə verilmir.

Bununla yanaşı, İranın "Fars" xəbər agentliyi beynəlxalq dəniz monitorinq sistemlərinin məlumatlarına istinadən, Hörmüz boğazı ətrafında tankerlərin hərəkətinin tamamilə dayandığını təsdiqləyib.

Hazırda strateji su yolunda nəqliyyatın hərəkəti iflic vəziyyətindədir.