Honq Konq məhkəməsi 2019-cu il etirazları zamanı qanunvericilik binasına basqın edən 12 iştirakçını həbs cəzasına məhkum edib.
"Operativ Məlumat Mərkəzi-OMM" xəbər verir ki, bu barədə yerli “Xingdao Daily” yazıb.
2019-cu ilin iyulunda yüzlərlə etirazçı saatlarla davam edən hücumdan sonra Honq-Konq qanunverici orqanına basqın edib. Hadisə zamanı içəridə divarlar, mebellər, rəsmlər dağıdılıb, fotoşəkillər qara boya ilə boyanıb və iclas otağındakı Honq Konq gerbi rənglənib.
Nəticədə 5 il sonra parlamentə basqın işi üzrə 14 müttəhim məhkəmə qarşısına çıxıb. Hücumda iştirak edənlərdən 12-si həbs, ikisi isə cərimə olunub.
