Hindistanın cənubundakı Tamil Nadu ştatında 29 nəfərin saxta spirtli içkidən öldüyü bildirilib.
"Operativ Məlumat Mərkəzi-OMM" xəbər verir ki, bu barədə "Press Trust of India" xəbər agentliyi məlumat yayıb.
Ştat rəsmisi M.S.Prasans hadisənin Kallakuriçidə baş verdiyini bildirib.
Prasans qeyd edib ki, 29 nəfər saxta spirtli içkilər səbəbindən ölüb, 100-dən çox adam müxtəlif xəstəxanalarda müalicə olunub.
Prasans bildirib ki, ölənlərin sayı arta bilər və bu səbəbdən bölgəyə təcili yardım maşınları göndərilib.
