Fələstinin HƏMAS radikal hərəkatı Qəzza zolağında həll yolu ilə bağlı İsraillə danışıqların mümkünlüyünü rədd etməsə də, tərəflər arasında mövcud razılaşmanın həyata keçirilməsində israrlıdır.
"Operativ Məlumat Mərkəzi-OMM" xəbər verir ki, bu barədə HƏMAS Siyasi Bürosunun sözçüsü Tahir əl-Nunu "Agence France-Presse"-ə açıqlamasında deyib.
"Həmas danışıqlardan əl çəkməyib, lakin biz təkid edirik ki, yeni razılaşmalara ehtiyac yoxdur. Artıq münaqişənin bütün tərəflərinin imzaladığı saziş var", - hərəkatın sözçüsü bildirib.
Sözçü beynəlxalq ictimaiyyəti münaqişəyə son qoymaq üçün təcili tədbirlər görməyə və Qəzza zolağındakı bombardmanları dərhal dayandırmaq və danışıqların ikinci mərhələsinə keçmək üçün İsrailə təzyiq göstərməyə çağırıb.
