OMM Redaksiyası
21 fevral tarixində paytaxtın Suraxanı rayonu, Hava limanı şosesində (“Buta Palace”-nin yaxınlığı) nəqliyyat vasitələrinin hərəkətinə məhdudiyyət tətbiq edilərək istiqamətlər dəyişdiriləcək. Məhdudiyyət yeni quraşdırılan elektron məlumat-sürət tablolarının konstruksiyasında aparılan son tamamlama işləri ilə əlaqədardır.
Bu barədə "Operativ Məlumat Mərkəzi-OMM"-ə Bakı Şəhər DYP İdarəsindən bildirilib.
Məhdudiyyət aşağıdakı qrafik üzrə tətbiq ediləcək:
Saat 00:00-dan 05:45-dək: Hava limanı yolundan (Hava limanı körpüsündən) "Koroğlu" metrostansiyası istiqamətində;
Saat 02:00-dan 05:15-dək: "Koroğlu" metrostansiyasından (Suraxanı dairəsi üzərindəki yol ötürücüsündən) Hava limanı istiqamətində.
Ərazidə xidmət aparan DYP əməkdaşları tərəfindən Mərdəkan şosesindən gələn sürücülər Zığ şosesinə, şəhər istiqamətindən gələnlər isə Suraxanı rayonu, Xanlar Ələkbərov və 14 İyul küçəsinə istiqamətləndiriləcək.
Alternativ olaraq, sürücülər şəhərdən Hava limanı istiqamətinə 8 Noyabr prospektindən Zığ yoluna keçməklə də hərəkət edə biləcəklər.
