Afət Ziyadqızı
Gürcüstan Daxili İşlər Nazirliyinin əməkdaşları prokurorluq nümayəndələri ilə birlikdə "xarici agentlər haqqında" qanuna qarşı keçirilən mitinqlər zamanı iğtişaşlar törədən bir neçə nəfəri saxlayıblar.
"Operativ Məlumat Mərkəzi-OMM" xəbər verir ki, bu barədə Tbilisi Polis İdarəsinin rəisi Sulxan Tamazaşvili jurnalistlərlə keçirdiyi brifinqdə danışıb.
Agentliyin məlumatına görə, ümumilikdə 6 nəfər saxlanılıb.
Onlar Gürcüstanın paytaxtında keçirilən nümayişlər zamanı hüquq-mühafizə orqanlarının əməkdaşlarına hücum etməkdə və başqalarının əmlakına ziyan vurmaqda ittiham olunurlar.
"Daxili İşlər Nazirliyi və prokurorluq əməkdaşları tərəfindən həyata keçirilən istintaq-əməliyyat tədbirləri nəticəsində 6 nəfər saxlanılıb", - deyə Tamazaşvili bildirib.
